O GAME, dende unha perspectiva multidisciplinar e global, desenvolve a súa investigación en dúas liñas principais:
ANÁLISE MICRO E MACROECONÓMICA DO CAMBIO DEMOGRÁFICO: MERCADO DE TRABALLO E DECISIÓNS AFORRO-CONSUMO
Consecuencias micro e macroeconómicas directa e indirectamente provocadas polo funcionamento do mercado de traballo e a relación das variables macroeconómicas (consumo, inversión e demanda exterior) con eses resultados. En especial, a análise do grupo nos últimos anos céntrase nas consecuencias que o cambio demográfico ten sobre o mercado laboral e sobre as decisións de aforro-consumo da poboación.
- Fundamentos da oferta de traballo (participación, capital humano, saúde)
- Discriminación laboral e calidade do emprego
- Análise do desemprego
- Demanda agregada e mercado de traballo (consumo, inversión, sector exterior)
- Produtividade e desigualdade: a participación das rendas do traballo.
MODELOS DE AVALIACIÓN E PLANIFICACIÓN ECONÓMICA REXIONAL
Análise teórica e aplicada do desenvolvemento local (crecemento, localización-deslocalización, desequilibrios rexionais) e utilización de ferramentas para a avaliación ex-ante e ex-post (nas súas diferentes versións) de distintas opcións concretas de desenvolvemento local e sectorial
- A avaliación e a análise de políticas económicas.
- Modelos de crecemento rexional e integración económica.
- A distribución espacial das actividades económicas.
- Modelos e ferramentas para a avaliación e planificación de servizos socio-sanitarios.
- Modelos de avaliación de impacto económico.
